soweli Kalo (Carl) en ilo Kalo (Ca2l) li kama lon

2024-05-10

pona a! musi li pini. soweli Kalo (Carl) en ilo Kalo (Ca2l) li ken musi e jan kepeken nasa ona lon tenpo lili. ma la ale li pona. soweli lili mi o: o tawa a!

pona. pali ni la mi kama sona e ijo ni:

• mi pali e musi la lipu nanpa li pona tawa mi. mi ken sitelen e pali ale la tenpo kama la mi ken sitelen e ni: pali ni li pini.

• mi pali e nasin la mi ken pini e pali lon tenpo musi mi. pali pi kama sona en ijo ante li lon. taso mi ken pini e pali. ken la mi pali ala e nasin la mi ken ala pini e pali. taso nasin ni la mi ken sona kepeken lipu nanpa mi.

• mi pilin ike tan toki pi musi pi soweli tu Kalo la mi o sike sitelen e toki ni a. tenpo ni la mi pilin pona tan toki ni. pali ni la mi pali e sona jan pi soweli Kalo e sona jan pi soweli ante. mi sona e ni: tomo pi kama sona ale la soweli Kalo en soweli pona ona li kama sona e seme. soweli Kalo li kama sona e sona pi soweli ilo. (ma pi musi ni la sona pi soweli ilo li wawa mute a.) soweli Toku (Doug) li kama sona e sona pi nasin kulupu. soweli Wala (Ralph) li kama sona e sona pi ilo nanpa. waso Peto (Bert) li kama sona e sona pi soweli en kasi en soko.

• mi pilin e ni: pali musi li lili la mi ken pini e ni lon tenpo lili a. taso ni li lon ala mute mute a. ken la mi kama sona la pali ni li ken lili.

• tenpo ni la ilo Kemeka (GameMaker) li ike tawa mi. ilo Kemeka li pakala e mi. </3 sama ike pi ilo Junasi (Unity) la ilo pali musi pi sama ilo Kemeka li ken toki e ni: "jan li wile pali e musi kepeken ilo mi la jan o pana mani mute tawa kulupu mani mi." ni li ike mute tawa mi a. mi wile ala e ni la mi wile pali e musi sin la mi o kepeken e ilo Koto (Godot).

tenpo ni la mi wile e ni: o toki e ni: ijo seme pi musi mi li pona li ike. o ken toki lon tan ni: mi wawa.

tenpo pini mute la mi pini e musi pi soweli tu Kalo la mi toki e ni lon lipu Isajo (Itch) kepeken toki Inli (English).

mi sitelen e soweli Kalo en ilo Kalo la mi pilin musi. ni la mi awen sitelen e ona. sitelen ale pi lipu ni li sitelen ni.