2025-05-18
mi moku e kasi taso. mi moku ala e soweli anu moku soweli. mi pilin e ni: soweli li sama jan. kin mi pali e musi ilo mute. ni la mi musi e musi pimeja en laso pi monsuta poki (Pokémon Black And Blue).
musi ni li lili. ni li pona. musi ni la jan li utala sike li toki. jan utala pi monsuta poki la sitelen ale li tawa. ni li pona tawa mi.
musi ni li toki e ni: jan o pakala ala e monsuta poki tan ni: monsuta poki li lon tan monsuta poki. toki ni li lili la toki ni li wawa.
musi ni li wawa lili. ken la musi ni li ken kepeken e wawa pi musi ilo li ken kama wawa mute.
jan utala pi monsuta poki li sama e pilin lili pi nasin soweli pakala. jan utala wan li toki e ni: jan li ken jo e soweli sama ijo. jan utala wan li toki e ni: jan li wile e sona la jan li ken pakala e soweli. jan utala wan li toki e ni: jan li ken kepeken e soweli sama moku en len. jan utala wan li toki e ni: jan li wile pilin musi la jan li ken pakala e soweli. monsuta poki li anpa e jan ni la monsuta poki li toki e ni: toki jan li lon ala.
taso ma lon la jan mute li pilin sama e jan utala ni pi monsuta poki. toki lili li ken ala ante e lawa jan. taso musi ni li ken open e ante pi lawa jan.
mi pilin e ni: musi ni o jo e anu. monsuta poki li anpa e jan utala la jan o anu e toki la jan o pilin e ni: mi ken ante e lawa pi jan utala kepeken toki seme.
kin musi ni li jo e poki mani. poki mani wan la jan li lukin e sitelen tawa. poki mani wan la jan li ken kama jo e sitelen sinpin suli pi ilo nanpa. poki mani wan la jan li ken kama jo e lipu musi lili. ni li ike tan ni: jan li lukin ala tawa musi. taso jan li lukin e sitelen tawa la sitelen tawa li ken pona.
poki mani o kama lon pini pi musi ni. poki mani o kama ala lon tenpo ante.
musi pi monsuta poki li sama lili e nasin soweli pona. jan utala pi monsuta poki li ike la monsuta poki li kute ala e ona. jan li pakala e monsuta poki la musi pi monsuta poki li toki e ni: jan ni li ike mute.
taso musi pi monsuta poki la jan li pakala e monsuta poki tan pali moku la musi li toki e ala.
musi pimeja en laso pi monsuta poki la jan li ike mute tawa monsuta poki a. ni li sama ala e musi lon pi monsuta poki. taso mi pilin e ni: jan pali pi musi ni li musi e musi lon pi monsuta poki.
ante ni li ken pona li ken ike. jan li ken pilin e ni: "pakala a! musi ni li sama ala e musi lon pi monsuta poki." taso jan ante li ken pilin e ni: monsuta poki li sama e soweli lon.
(kulupu Pita o. mi pali e musi ilo la o kama jo e mi o mani e mi.)